SEMER

[mabalin a nagtaud iti sao a kaipapananna ti “guardia”].

1. Maysa a kaputotan ni Aser, nalabit apokona iti tumeng. Nainaganan ti uppat nga annak ni Semer. (1Cr 7:30, 34) Somer ti naaramat iti 1 Cronicas 7:32 imbes a Semer.

2. Maysa a Merarita a Levita, inapo ni Etan.​—1Cr 6:44-47.

3. Ti makinkukua iti turod ti Samaria; mabalin a maysa a tribu imbes a maysa a tao, ta ti kaipapanan ti Samaria ket “Kameng ti Puli a Semer.” Ni Ari Omri ti Israel ginatangna daytoy a bantay iti dua a talento a pirak ($13,212) ket nangrugi nga agturay manipud sadiay idi agarup 945 K.K.P.​—1Ar 16:23, 24.