SIUDAD A PAGIDULINAN

Siudad a nadisenio kas pagidulinan ti gobierno. Dagiti naidulin a taraon a kas iti bukbukel, kasta met iti dadduma pay a bambanag, ket naipreserba kadagiti bodega ken sarusar a naibangon itoy a lugar.

Bayat ti panangirurumen dagiti Egipcio, napuersa a mangibangon dagiti Israelita kadagiti “siudad kas luglugar a pagidulinan maipaay ken Faraon, awan sabali, ti Pitom ken Raamses.” (Ex 1:11) Nagibangon met ni Solomon kadagiti siudad a pagidulinan. (1Ar 9:17-19; 2Cr 8:4-6) Idi agangay, bayat a rumangrang-ay ni Ari Jehosafat, “nagibangon kadagiti nasarikedkedan a lugar ken kadagiti siudad a pagidulinan idiay Juda.”​—2Cr 17:12; kitaenyo ti KAMALIG.