TABEEL

[Naimbag ti Dios].

1. Ama ti maysa a lalaki a pinanggep ti ar-ari ti Israel ken Siria nga isaad iti trono idiay Jerusalem no makautiboda ti kabesera ti Juda. Saan a nadakamat ti nagan ti anakna. Napasamak daytoy idi tiempo a naginnabot ti panagturay da Acaz ken Peca (iti nagbaetan ti agarup 762 ken 759 K.K.P.).​—Isa 7:5, 6.

2. Maysa kadagiti nangaramid iti maysa nga Aramaiko a surat a naipatulod ken Ari Artaxerxes ti Persia kas panangbusor iti trabaho dagiti Judio a panagbangon manen idiay Jerusalem ken dayta ti makagapu a napasardeng ti pannakaibangon ti templo.​—Esd 4:7, 24.