TEBES

Maysa a siudad nga addaan iti nalagda a torre. Idi nakautibo ni Abimelec ti siudad ti Tebes ken idi rautennan ti torre a nagkamangan dagiti umili, maysa a babai ti nangitapuak iti makinrabaw a bato ti gilingan iti ulona manipud tuktok ti pader. Gapu ta naburak ti natupakan a bangabangana, imbilin ni Abimelec a papatayen isuna ti katulonganna tapno awan ti agkuna, “Maysa idi a babai ti nangpatay kenkuana.”​—Uk 9:50-54; 2Sm 11:21.

Nupay di sigurado, maikunkuna a ti Tebes ket isu ti agdama a Tubas, agarup 15 km (9.5 mi) iti amianan nga amianan-a-daya ti Siquem, nupay awan ti tedtedda a nasarakan sadiay a mayanatup nga ayanna.