Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w85 9/15 pp. 3-5
  • Jehova—Narungsot wenno Naayat a Dios?

Awan video-na ti napilim.

Pasensiakan, adda problema iti pannakai-load ti video.

  • Jehova—Narungsot wenno Naayat a Dios?
  • Ti Pagwanawanan Mangibumbunannag iti Pagarian ni Jehova—1985
  • Subtitulo
  • Umasping a Material
  • “Amin a Dalanna Kinalinteg”
  • Ti Layus
  • Sodoma ken Gomorra
  • Panangikisap kadagiti Cananeo
  • Nagduma a Personalidad?
  • Panangukom ti Dios​—Naulpit Kadi?
    Ti Pagwanawanan Mangibumbunannag iti Pagarian ni Jehova—2013
  • Apay nga Adda Mangibaga a Naulpit ti Dios?
    Ti Pagwanawanan Mangibumbunannag iti Pagarian ni Jehova—2013
  • Mannakigubat Aya a Dios ni Jehova?
    Agriingkayo!—1993
  • Sodoma
    Pannakatarus iti Kasuratan, Tomo 2
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1985
w85 9/15 pp. 3-5

Jehova​—Narungsot wenno Naayat a Dios?

“NGEM ti Dios ti Biblia maysa a narungsot a Dios,” impapilit ti maysa a lalaki a Hapones. Ti misionero a sitatakder iti ruanganda nakitana ti bagina iti imatang ti maysa a tao nga ammona a naimbag ti Sao ti Dios, ti Biblia.

“Ket ti ngay pananglemmes ti Dios kadagiti tattao idi Layus?” intuloy ti lalaki. “Ket komosta met ngay ti pananguramna iti Sodoma ken Gomorra, malaksid laeng ti panangtalipuposna kadagiti Cananeo babaen kadagiti Israelita? Kasano a maikunam a ti Dios ket saan a narungsot? Malaksid pay iti dayta, ti Dios ti ‘Baro a Tulag’ ti interamenten a naiduma. Insuro ni Jesus ti maipapan iti maysa a Dios ti kappia ken ayat.”

Daytoy a pannakaawat iti Dios ti “Daan a Tulag” kas narungsot ken nauyong ti nanglapunos iti panagpampanunot ti adu. Gapuna, dadduma matmatanda pay uray ti Dios iti “Baro a Tulag” nga addaan panagsuspetsa. Kasano a matignay ti maysa nga agserbi iti Dios nga agparang nga addaan iti nagduma a personalidad?

“Amin a Dalanna Kinalinteg”

Ngem, dagiti tattao, awan karbenganda a mangbabalaw iti tigtignay ti Dios. Ti kadi bassit nga ubing insigida a maawatanna no apay a ni amana pagibturenna ti anakna iti ut-ot iti pagtugawan ti maysa a dentista? Kasta met, mabalin nga iti damo ditay maaw-awatan amin a panagtigtignay ti Dios. “Ammoyo a ni Jehova isu ti Dios,” kuna ti salmista. “Isu ti nangaramid kadatayo, ket datayo kukuanatayo.”​—Salmo 100:3.

Ngarud, nainsiriban kadi ti sidadarasudos a mangipato a dagiti tigtignay ti Dios ket narungsotda? “‘Ta dagiti pampanunotko saanyo a pampanunot, ket dagiti daldalanyo saanda met a daldalanko,’ kuna ni Jehova. ‘Ta kas kadagiti langlangit nangatngatoda ngem ti daga, kasta met dagiti daldalanko nangatngatoda ngem kadagiti daldalanyo, ken dagiti pampanunotko ngem kadagiti pampanunotyo.’” (Isaias 55:8, 9) Mainayon pay, ipasiguro ti Biblia kadatayo nga amin a dalanna kinalinteg.” Naipabigbig ni Jehova a kas “maysa a Dios iti kinamatalek, ken awanan damka.” (Deuteronomio 32:4) Ngarud kitaentayo ti sumagmamano a kaso a nakita ti Dios a maiyanatop iti panangukomna wenno panangdusana.

Ti Layus

“Ket nakita ni Jehova a ti kinadakes ti tao dakkel iti daga ken amin nga arapaap dagiti panunot ti pusona dakesda a kankanayon.” (Genesis 6:5) Kasta idi ti lubong sakbay ti Layus. Wen, ni Jehova a Dios “nakitana ti daga ket, adtoy! ti dakes, ta amin a lasag pinadakesda ti dalanda iti rabaw ti daga.” (Genesis 6:12) Mabalin nga ikalintegan dagiti dadduma a binaybay-an latta koma ti Dios dagiti tattao, a pinalubosanna ida a mangaramid ti kaykayatda. Ngem kaskasdi adda pay met laeng dagiti nasingpet, nalinteg iti moral a tattao a nabati ditoy daga. Saan kadi a kinarungsot iti biang ti Dios ti panangpalubos ti kinadakes a mangikisap iti mabatbati pay a pakakitaan iti moralidad ditoy daga? Ngarud inyurnos ti Dios ti maysa a sangalubongan a layus tapno parmeken ti daga kadagiti manangdadaelna.

Ti Dios a narungsot saan koma a nangaramid iti sagana a maipaay iti pannakalasat ti tao wenno animal. Kaskasdi kasta ti inaramid ni Jehova. Ti narungsot a Dios dina koma pinakdaaran ida maipapan iti umay a didigra. Ngem dinutokanna ni Noe nga agbalin a “manangaskasaba ti kinalinteg” iti agangay 40 wenno 50 a tawtawen! (2 Pedro 2:5) Iti kasta mabalin a pilien dagiti tattao ti ilalasat wenno ipapatay.

Sodoma ken Gomorra

Idi dua nga anghel ti simmarungkar iti Sodoma, di nagbayag impanayag dagiti umili ti tiritir a kababalinda. Dagiti lallaki iti Sodoma ti nanglikmut iti balay ni Lot, “bumaro man ken lumakay, amin a tattao iti amin a yan linakubda ti balayna. Ket inayabanda ni Lot, ket kinunada kenkuana: ‘Adino ti yan dagiti tattao nga immay kenka ita a rabii? Iruarmo ida kadakami tapno makidennakami kadakuada.’” (Genesis 19:4, 5) Daytoy ti ‘isusurot iti naisangayan a lasag.’​—Judas 7; kitaenyo met ti Roma 1:26, 27.

Ti Dios, “a mangsukimat kadagiti puspuso,” nakitana a dagiti siudad saanda a mabalin a maispal. Ti pannakatalipuposda maikari unay. (Roma 8:27) Apay, awan pay uray sangapulo a nalinteg a tattao a masarakan idiay Sodoma! (Genesis 18:32) Ti kababalin dagiti Sodomita ti nangipaay iti pudpudno a peggad ken nalinteg a Lot ken ti pamiliana. Gapuna, inalaw ti Dios ni Lot ken dagiti babbalasangna kas maysa nga aramid ti ayat!​—Genesis 19:12-26.

Panangikisap kadagiti Cananeo

Ni Jehova inkarina ken Abraham nga inton agangay ti bin-ina ti mangtagikua iti daga ti Canaan. Kitaenyo, nupay kasta, nga awan panangikisap a maaramidto iti kaaldawan ni Abraham. Apay nga awan? “Gapu ta saan pay a napno ti kinadakes ti Amoreo [ti dominante a tribo dagiti Cananeo],” kuna ni Jehova. (Genesis 15:16) Agarup 430 años ti mapalabas sakbay a ti kinadakes dayta a nasion nagtengnan ti rukod a maikuna ni Moises: “Ngem gapu iti kinadakes dagitoy a nasnasion [iti Canaan] a ni Jehova a Diosmo pagtalawenna ida iti sangom.”​—Deuteronomio 9:5.

Kuna ti libro nga Archaeology and the Old Testament: “Ti kinadawel, kinaderrep ken kinamanaglaplapusanan ti mitolohia a Cananeo . . . ti nalabit nangiparuar ti kadadaksan a kababalin kadagiti managdaydayawda ket ipakpakita dayta ti nagadu kadagiti makadadael ti moral a maar-aramid kadagidiay a tiempo, kas ti sagrado a panagbalangkantis, panagdaton ti ubing ken panagdayaw iti uleg . . . iti aglablabes a kinababa ti moral ken narelihiusuan a panagkapuy.” Nupay kasta, dagiti Gabaonitas ken dagiti agnanaed iti tallo pay a dadduma a siudad naispalda. (Josue 9:17, 18) Ipalubos koma aya daytoy ti maysa a narungsot a Dios?

Nagduma a Personalidad?

Nupay kasta, dadduma ipapilitda a ti Dios ti “Daan a Tulag” naglabas iti panagbalbaliw iti personalidadna idiay “Baro a Tulag.” ‘Ti sursuro ni Jesus ti naisentro iti ayat,’ kunada.​—Mateo 5:39, 44, 45.

Kaskasdi, ti pannakadadael ti Jerusalem idi 70 K.P. immay kas dusa manipud ken Jehova, kas impadto ni Jesus. (Mateo 23:37, 38; 24:2) Mainayon pay, dagiti nakillo nga indibidual kas kada Ananias, Sapira, ken ni Herodes napapatayda. Ti Dios saan a nagbalbaliw. (Aramid 5:1-11; 12:21-23; Malakias 3:6) Ket saan met a kabarbaro a timmanor ti pannursuro ni Jesus maipapan iti ayat. Iti imun-una, ti Linteg ni Moises ti nangibilin: “Ayatem ti padam a tao kas iti bagim.” (Levitico 19:18) Ti pannursuro ni Jesus maipapan iti managsakripisio nga ayat, nupay kasta, nasaksaknap pay ngem dayta a bilin. (Juan 13:34) Laglagipenyo met, nga uray isu inyebkasna ti napigsa a panangilunod kadagiti managinsisingpet a narelihiusuan a papangulo. Basaenyo ti amin a Mateo kapitulo 23 agpaay kadakayo met laeng ket kitaenyo no kasano kapigsa ti panangilunod ni Jesus kadagiti kakasta.

Gapuna nagtalinaed ti rekord ti Biblia, saan a kas maysa a pammaneknek iti kinarungsot ti Dios, no di ket pammaneknek iti nauneg ken nabileg nga ayatna iti sangatauan. Gapuna matignaytayo nga agadal iti ad-adu pay maipapan ken Jehova ken dagiti naayat a daldalanna. Ti sumaganad nga artikulo ti mangtulong kadakayo a mangaramid iti dayta.

[Dagiti ladawan iti panid 3]

Nainkalintegan kadi ni Jehova iti panangiyegna iti Layus, ti panangdadaelna iti Sodoma ken Gomorra, ken ti panangdusana kadagiti Cananeo?

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share