Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w87 5/15 p. 31
  • Dagiti Saludsod Manipud Kadagiti Managbasa

Awan video-na ti napilim.

Pasensiakan, adda problema iti pannakai-load ti video.

  • Dagiti Saludsod Manipud Kadagiti Managbasa
  • Ti Pagwanawanan Mangibumbunannag iti Pagarian ni Jehova—1987
  • Umasping a Material
  • “Dagiti Naipaltiing a Bambanag Biangtayo”
    Ti Pagwanawanan Mangibumbunannag iti Pagarian ni Jehova—1986
  • Panangsapul Ragsak iti Sao ni Jehova
    Ti Pagwanawanan Mangibumbunannag iti Pagarian ni Jehova—1986
  • Impalgak ni Jehova ti Panggepna
    Agturturayen ti Pagarian ti Dios!
  • “Sirib ti Dios iti Sagrado a Palimed”
    Umadanika ken Jehova
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1987
w87 5/15 p. 31

Dagiti Saludsod Manipud Kadagiti Managbasa

◼ Kinuna ni Moises kadagiti Israelitas a “dagiti naipaltiing a bambanag biangtayo ken dagiti annaktayo iti agnanayon.” (Deuteronomio 29:29) Dagitoy a “naipaltiing a bambanag” ramanenna kadi ti lawag a naipaay iti Sao ti Dios kadagitoy maudi nga al-aldaw?

Saan, di umiso ti panangikabil iti pannakaawat kadagiti padpadto a naipaay kadatayo kadagiti maudi nga al-aldaw a katupag dagiti “naipaltiing a bambanag” a salsalaysayen ni Moises.

Sigun iti konteksto dagiti sasao ni Moises, “dagiti naipaltiing a bambanag” a sarsaritaenna ket maipapan iti Linteg ti tulag. (Deuteronomio 29:25) Impamatmat ni Moises a dagitoy “naipaltiing a bambanag” ti addaan awitna a responsabilidad. Ti di panagbiag a maitunos kadagitoy a responsabilidad ti pangdisiplinaan ni Jehova iti ilina.

Ti Linteg ti tulag, siempre, ket maysa a paltiing a naggapu ken ni Jehova a Dios. Pinakpakaunaan dayta dagiti dadduma a paltiing kadagiti patriarka, ken ni Noe, ken amin agingga ken ni Adan. Nausar ni Moises a nangisurat kadagiti bambanag a naipaltiing agingga idi tiempona, ket naitalimengda nga agpaay kadatayo kadagiti umuna a lima a libro ti Biblia. Kamaudiananna, kas inlawlawag ti artikulo a “Dagiti Naipaltiing a Bambanag Biangtayo” (The Watchtower, Mayo 15, 1986) a dagiti “naipaltiing a bambanag” ramanenna amin dagiti impormasion a nailanad iti Biblia​—2 Timoteo 3:16.

Gapuna, ti Biblia naglaon “kadagiti pakdaar ti Dios,” dagiti bambanag nga impaltiingna. (Roma 3:2) Idi dagiti Judio iti lasag ket saanda a nagmatalek, dagiti napulotan a Kristiano isuda ti nagbalin a nakaitalkan dagitoy “naipaltiing a bambanag,” ket ti kongregasion Kristiano nagbalin nga “adigi ken sadiri” kadakuada. (1 Timoteo 3:15; 1 Corinto 4:1) Gapuna, dagiti kamkameng dayta a kongregasion itatta ti maiyanatup nga ikallanguganda ti sasao ni Moises, a “dagiti naipaltiing a bambanag biangtayo.”

Itatta, adu a lawag ti impaay ni Jehova kadagitoy a “naipaltiing a bambanag.” Kas impadto ni Daniel, ti ili ni Jehova ‘agtaraydanto a mapan ken agsubli’ iti naipaltiing a Sao, ket ‘ti pudno a pannakaammo umadunto.’ (Daniel 12:4) Gapuna, itan ammotayon no siasino dagiti “sabsabali a karnero.” (Juan 10:16) Nailasintayo ti “dakkel a bunggoy.” (Apocalipsis 7:9-17) Makitkitatayon ti kaitungpalan ti pangngarig dagiti karnero ken kalding. (Mateo 25:31-46) Dagita a bambanag naipakaammoda, kadatayo ngem saan a ti kaipapanan a “dagiti naipaltiing a bambanag” kas nailanad iti naipaltiing a Sao ni Jehova.

Gapuna, di umiso ti panangikabil kadagiti adelantado a pannakaawat iti isu met laeng a tukad kas kadagiti naipaltiing a pakaammo a mangbukel “kadagiti naipaltiing a bambanag” a nailanad idiay Biblia. Imbes ketdi, babaen iti napasnek a panagadal ti Biblia, ti ili ni Jehova ti sikakararag a sinapsapulda ti umiso a pannakaawat kadagidiay a “naipaltiing a bambanag.” Ni Jehova, babaen ti nasantuan nga espirituna, ti nangted iti dayta a pannakaawat iti umiso a tiempona.

Ibaga ti Biblia kadatayo a “ti dana ti nalinteg ket kas iti anaraar iti agsapa a rumaniag a rumaniag agingga iti napaypayso nga aldaw.” (Proverbio 4:18) Ti rumangrang-ay a lawag nga impaay ni Jehova kadagiti “naipaltiing a bambanag” ipakitana a dayta nga “aldaw” ti asidegen ket pampaneknekanna a ti bendisionna ket adda iti kongregasion Kristiano itatta.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share