Para Kadakayo nga Agtutubo

Ti Panangilibak ni Pedro Kenni Jesus

Instruksion: Usigem daytoy iti naulimek nga aglawlaw. Bayat a basbasaem dagiti teksto, darepdepem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter.

USIGEM TI EKSENA.​—BASAEM TI MATEO 26:31-35, 69-75.

Mano a tattao ti mapanunotmo nga adda iti eksena?

․․․․․

Mannakigayyem kadi dagiti nagsaludsod ken Pedro? agim-imtuod laeng? nakapungtot? dadduma pay?

․․․․․․

Ania ngata ti narikna ni Pedro idi naakusaran?

․․․․․

Apay a ni Pedro inlibakna ni Jesus? Saanna kadi nga ay-ayaten ni Jesus wenno adda sabali a makagapu?

․․․․․

SUKIMATEM A NAIMBAG.​—BASAEM TI LUCAS 22:31-34; MATEO 26:55-58; JUAN 21:9-17.

Kasano a ti nalabes a panagtalek ni Pedro iti bagina posible nga adda pakainaiganna iti panangilibakna ken Jesus?

․․․․․

Kasano nga impakita ni Jesus nga isu ket agtalek ken Pedro nupay ammona a makaaramid iti apagkanito a panagbasol daytoy nga apostol?

․․․․․

Nupay inlibakna ni Jesus, kasano nga impakita ni Pedro nga isu ket naturtured ngem kadagiti dadduma nga apostol?

․․․․․

Kasano nga impakita ni Jesus a pinakawanna ni Pedro?

․․․․․

Apay ngata a namitlo nga inimtuod ni Jesus kenni Pedro: “Ay-ayatennak kadi?”

․․․․․

Ania ngata ti narikna ni Pedro kalpasan ti panagsaritada ken Jesus, ken apay?

․․․․․

IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Panagbuteng iti tao.

․․․․․

Ti pannakipagrikna ni Jesus kadagiti adalanna, uray pay nakabasolda.

․․․․․

Ania a paset daytoy a salaysay ti ad-adda a maapresiarmo, ken apay?

․․․․․