Para Kadakayo nga Agtutubo

Ti Tao nga Addaan Pammati Kadagiti Kari ti Dios

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter.

USIGEM TI EKSENA.​—BASAEM TI GENESIS 12:1-4; 18:1-15; 21:1-5; 22:15-18.

Deskribirem ti narikna ni Abraham apaman a nangngegna ti kari ti Dios nga isu ket agbalinto a kapuonan ti “bin-i” a pakagunggonaan ti intero a lubong.

․․․․․

DAnia ti mapanunotmo a langa ti tallo a sangaili a nadeskribir iti Genesis 18:2?

․․․․․

Ania ti mapanunotmo iti inaramidda a nadeskribir iti Genesis 18:6-8? (Laglagipem a dandanin 100 ti tawen ni Abraham iti dayta a tiempo.)

․․․․․

SUKIMATEM A NAIMBAG.

Mano a tawen ti napalabas sipud idi inkari ni Jehova a maaddaan ni Abraham iti anak agingga idi nayanak ni Isaac? (Basaem manen ti Genesis 12:4 ken 21:5.)

Ania dagiti impanamnama ni Jehova ken Abraham bayat ti panagur-urayna? (Basaem ti Genesis 12:7; 13:14-17; 15:1-5, 12-21; 17:1, 2, 7, 8, 15, 16.)

․․․․․Ania ti inaramid ni Jehova para ken Abraham idi a nagduadua no isu ket maaddaanto met laeng iti putot? (Basaem manen ti Genesis 15:3-5, 12-21.)

․․․․․

Kasano nga in-inut nga impalgak ni Jehova dagiti detalye maipapan iti “bin-i”?

․․․․․

IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Kinapateg ti panamati kadagiti kari ti Dios.

․․․․․

No kasano nga in-inut nga ipalgak ni Jehova ti panggepna.

․․․․․

ANIA A PASET ITI DAYTOY A SALAYSAY TI NAGUSTUAM UNAY, KEN APAY?

․․․․․