Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w13 2/1 p. 4
  • Moises​—Ulidan ti Nabileg a Pammati

Awan video-na ti napilim.

Pasensiakan, adda problema iti pannakai-load ti video.

  • Moises​—Ulidan ti Nabileg a Pammati
  • Ti Pagwanawanan Mangibumbunannag iti Pagarian ni Jehova—2013
  • Umasping a Material
  • Tuladem ti Pammati ni Moises
    Ti Pagwanawanan Mangibumbunannag iti Pagarian ni Jehova—2014
  • Moises—No Kasano nga Impluensiaanna ti Biagmo
    Agriingkayo!—2004
  • Moises
    Pannakatarus iti Kasuratan, Tomo 2
  • Makitkitam Kadi “Daydiay Maysa a Di Makita”?
    Ti Pagwanawanan Mangibumbunannag iti Pagarian ni Jehova—2014
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—2013
w13 2/1 p. 4

Moises​—Ulidan ti Nabileg a Pammati

ANIA TI PAMMATI?

Iti Biblia, ti “pammati” ramanenna ti nabileg a panamati a naibasar iti natibker nga ebidensia. Ti tao nga addaan nabileg a pammati, agtalek a tungpalen ti Dios amin a karina.

KASANO NGA IMPAKITA NI MOISES TI PAMMATI?

Intunos ni Moises ti biagna kadagiti kari ti Dios. (Genesis 22:15-18) Mabalin koma a maaddaan iti komportable ken naluho a panagbiag idiay Egipto ngem tinallikudanna dagita ket “pinilina ti dakes a pannakatrato a kadua ti ili ti Dios imbes a maaddaan iti temporario a panangtagiragsak iti basol.” (Hebreo 11:25) Nagdesision kadi a din nagpampanunot sa nagbabawyanna idi agangay? Saan, ta kuna ti Biblia a ni Moises “nagtalinaed a natibker a kasla kitkitaenna daydiay Maysa a di makita.” (Hebreo 11:27) Gapu iti pammatina dina pulos nagbabawyan dagiti desisionna.

Tinulongan met ni Moises ti sabsabali a maaddaan iti nabileg a pammati. Alaentay a pagarigan ti napasamak idi kasla naipiten dagiti Israelita iti nagbaetan ti buyot ni Faraon ken ti Nalabaga a Baybay. Gapu ta mabutengdan iti kasla umad-adanin a didigra, nagpatulong dagiti Israelita ken Jehova kasta met ken Moises. Ania ngata ti aramiden ni Moises?

Nalabit saan nga ammo ni Moises a dandanin bisngayen ti Dios ti Nalabaga a Baybay, tapno adda pagnaan dagiti Israelita. Ngem agtalek ni Moises nga adda aramiden ti Dios tapno maispal ti ilina ken kayat met ni Moises a maaddaan dagiti Israelita iti nabileg a pammati. Mabasatayo: “Kinuna ni Moises kadagiti umili: ‘Dikay agbuteng. Agtakderkayo a sititibker ket kitaenyo ti panangisalakan ni Jehova, nga aramidennanto maipaay kadakayo ita nga aldaw.’” (Exodo 14:13) Nagballigi kadi ni Moises a nangpabileg iti pammati dagiti padana nga Israelita? Wen, ta kuna ti Biblia maipapan ken Moises ken amin dagiti Israelita: “Babaen iti pammati limmasatda iti Nalabaga a Baybay a kas iti namaga a daga.” (Hebreo 11:29) Saan laeng a ni Moises ti nagunggonaan iti pammatina no di ket amin a nakasursuro kenkuana.

ANIA DAGITI MASURSUROTAYO?

Matuladtayo ni Moises no itunostayo ti biagtayo kadagiti kari ti Dios. Kas pagarigan, ikari ti Dios nga ipaayna dagiti material a kasapulantayo no iyun-unatayo ti panagdayaw kenkuana. (Mateo 6:33) Pudno, mabalin a di maliklikan nga ipangpangruna ti material a bambanag gapu ta dayta ti ar-aramiden ti kaaduan a tattao ita. Ngem masiguradotayo a no ikagumaantayo a pasimplien ti biagtayo ken ipamaysatayo ti panagdayawtayo, ipaay ni Jehova ti amin a kasapulantayo. Impanamnamana: “Saankanto a pulos panawan ket saankanto a pulos baybay-an.”​—Hebreo 13:5.

Ikagumaantayo met a tulongan ti sabsabali a bumileg ti pammatida. Kas pagarigan, bigbigen dagiti masirib a nagannak ti nagdakkel a responsabilidadda a mangpabileg iti pammati dagiti annakda. Bayat nga agmatmataenganda, masapul a maammuan dagiti annak nga adda Dios a mangisuro kadatayo no ania ti naimbag ken dakes. Kasta met, masapul a makombinsir dagiti annak a ti panangsurot kadagiti pagalagadan ti Dios ti kasayaatan a wagas ti biag. (Isaias 48:17, 18) Ipaayan dagiti nagannak iti napateg a sagut dagiti annakda no tulonganda ida a mamati a ti Dios “adda ken isu agbalin a mananggunggona kadagidiay sipapasnek a mangsapsapul kenkuana.”​—Hebreo 11:6.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share