Ibingayan iti Espiritual a Kinabaknang Dagiti Dadduma
1 Kas ken Moises, ammo dagiti moderno a Saksi ni Jehova a ti material a gameng iti daytoy a lubong ket saan a maiyasping iti pateg ti espiritual a kinabaknang. (Heb. 11:26) Mabalin a magatang ti kuarta iti balay, lugan, ken dadduma pay a sanikua, ngem saanna a magatang iti biag, talna ti panunot, wenno ti anamong ni Jehova.
2 Ti pannakaammo ken pannakaawat iti Sao ti Dios ken iti panggepna isudat’ pudno a naespirituan a kinabaknang. (Col. 2:3) Dagitoy a nagpaiduma a kinabaknang isudat’ mangyeg iti napudno a ragsak itan, agraman iti solido a namnama iti masakbayan. Anian ti pannakapabortayo nga umawat iti kasta a naespirituan a kinabaknang!
NO KASANO A MAPABAKNANG ITI DADDUMA
3 Mabalintayo a matulongan dagiti dadduma a bumaknang iti espiritual babaen ti panangiyammo kadakuada kadagiti publikasiontayo, idinto ta dagitoy ti mangiturong kadakuada iti ‘naitalimeng a gameng’ iti nadiosan a sirib. (Prov. 2:4) Bayat iti Hulio ken Agosto, itukontayo iti uray ania kadagiti broshur iti kada maitutop nga okasion. No adda iti panunottayo no kasano a dagitoy a publikasion ket napabaknangda iti biagtayo, ditay ngarud agkedked ngem ipamuspusantayo nga itukon dagitoy a broshur agingga iti kabaelantayo kadagiti adu a tattao. (Prov. 3:27) Inotaryo iti direksion dagidiay a napaimaan iti magasina, nga adda iti ranta a sarungkaran dagitoy a tukonan iti maysa a broshur, nga addaan ti kalat a mairugi iti panagadal ti Biblia.
4 Iti espiritual a sentido, kasano ti panagbalintayo a kas iti daydiay managbuteng ti Dios a tao idiay Salmo 112 isu a nangiwaras a siwawadwad kadagiti napateg a bambanag? (Sal. 112:1, 3, 9) Kasapulanna daytoy iti pananggundaway iti kada oportunidad a mangsaksi iti pormal ken impormal.
5 Iti dadduma a lugar, ti panangasaba iti rumabii ket nabunga unay agsipud ta adun dagiti tattao iti mismo a pagtaenganda. Pinadasyo kadin ti nagtrabaho kadagiti ruangan iti maysa nga oras wenno nasurok iti sakbay ti Panagadal ti Libro iti Kongregasion? Apay a dikay mangaramid iti depinido nga urnos iti daytoy?
6 Maisarakyo aya iti tiempo a mangsaksi idiay lugar ti trabahoyo? Maysa a kabsat a babai ti nangiparabaw iti adu a magasina idiay lamisaanna tapno makita dagiti dadduma. Sakbay a nagmatuon, naipaima amin dagiti magasina. Nawadwad kadagiti katrabahona ti nangipakita iti napudno nga interes, ket nakagun-od pay iti 18 a suskripsion.
7 Ti pirak, balitok, ken amin a sabsabali a gameng ti saan a maidilig iti espiritual a kinabaknang iti pannakaammo a nagun-odtayo babaen iti organisasion ni Jehova. Babaen ti panangibingaytayo kadagitoy a kinabaknang iti dadduma, maipakita ti panangipateg iti daydiay inawattayo ket magun-odtayo pay iti agtultuloy a bendision ni Jehova.—Prov. 19:17.