No Ania ti Ibagayo Maipapan Kadagiti Magasin

Ti Pagwanawanan Abr. 15

“Sadinoman ti pagnanaedan dagiti tattao, interesadoda iti kinatalged, kas iti panangbirok ken panangtaginayon iti makapnek a trabaho. Ngem inut-utobyo kadin nga adda gubuayan ti permanente a kinatalged, a mamagbalin kadakayo a natalged iti agnanayon? [Basaenyo ti Salmo 16:8, 9.] Daytoy a ruar Ti Pagwanawanan ilawlawagna no sadino ti pakasarakan iti pudno a kinatalged.”

Agriingkayo! Abr. 22

“Adu ita ti pumampanaw iti nabangonanda a relihion tapno agdayawda iti Dios iti bukodda a wagas. Ania ti makunayo maipapan iti dayta? [Palubosanyo a sumungbat.] Ipakita ti Biblia a napateg iti Dios no kasano ti panagdayawtayo kenkuana. [Basaenyo ti Juan 4:24.] Salaysayen daytoy a ruar ti Agriingkayo! ti maipapan iti kasayaatan a wagas no kasano a mapennek dagiti naespirituan a kasapulanyo.”

Ti Pagwanawanan Mayo 1

“Adda kadi am-ammoyo a grabe ti sakitna wenno addaan iti pisikal a depekto? Di pagduaduaan nga umanamongkayo a kasapulanda ti pammaregta. Ngem ania ti mabalintay nga ibaga a mangparegta kadakuada? Mangipaay ti Biblia iti makaliwliwa a sasao. [Basaenyo ti Isaias 35:5, 6.] Daytoy a ruar Ti Pagwanawanan ilawlawagna no apay a masiguradotayo a pumudnonto daytoy a padto.”

Agriingkayo! Mayo 8

“Iti naglabas a tawen, ad-adda nga agpeggad ti talna. Ti panagkunayo kabaelan kadi dagiti natauan a gobierno nga ipasdek ti sangalubongan a talna? [Kalpasan a sumungbat, basaenyo ti Isaias 2:4.] Ipakita daytoy a ruar ti Agriingkayo! no apay a masiguradotayo nga asidegen a pumudno ti sangalubongan a talna.”