No Ania ti Ibagayo Maipapan Kadagiti Magasin

Ti Pagwanawanan Set. 15

“Minilion a tattao ti mamati nga addaan dagiti ‘sasanto’ iti naisangsangayan a pannakabalin ken adda pagsayaatanna ti agkararag babaen kadakuada. Ania ti makunayo? [Palubosanyo a sumungbat.] Kitaenyo no ania ti kinuna ni Jesu-Kristo. [Basaenyo ti Juan 14:6.] Dayta ti gapuna a pampanunoten dagiti dadduma no rumbeng ti agkararag babaen dagiti ‘sasanto.’ Salaysayen daytoy a ruar Ti Pagwanawanan dayta a napateg a banag.”

Agriingkayo! Set. 22

“Adu ita ti madanagan maipapan iti terorismo, agraman ti panangusar kadagiti biolohikal nga armas. Iti panagkunayo, mapasardeng ngata dagiti gobierno ti tao ti terorismo ditoy lubong? [Palubosanyo a sumungbat.] Ipakita ti Biblia no ania ti panggep ti Dios nga aramiden. [Basaenyo ti Ezequiel 34:28.] Sukimaten daytoy a magasin nga Agriingkayo! ti dadduma kadagiti nainaig nga isyu.”

Ti Pagwanawanan Okt. 1

“Adu ti mangpampanunot no addanto aldaw nga agpatingga dagiti amin a riribuk a makitkitatayo​—dagiti gubat, krimen, ken terorismo. Ania ti makunayo? [Palubosanyo a sumungbat.] Ipaay ti Biblia daytoy makaliwliwa a pammatalged. [Basaenyo ti Salmo 37:10, 11.] Ilawlawag daytoy a magasin no apay a saan pay a pinagpatingga ti Dios ti kinadakes ken ti rigat a pinataud ti kinadakes.”

Agriingkayo! Okt. 8

“Agparang nga umad-adu ita dagiti pamilia nga addaan iti agsolsolo a nagannak. Ipakita ti Biblia a maseknan kadakuada ti Namarsua kadatayo. [Basaenyo ti Salmo 146:9.] Ipakita daytoy a ruar ti Agriingkayo! no kasano a makatulong dagiti prinsipio ti Biblia kadagiti agsolsolo a nagannak a mangpadakkel a sibaballigi kadagiti annakda.”