No Ania ti Ibagayo Maipapan Kadagiti Magasin

Ti Pagwanawanan Peb. 15

“Pagduaduaan dagiti dadduma a tattao no ti Dios ket maysa a persona. Adda met dagiti agkuna nga adda Dios ngem mariknada nga isu ket adayo kadakuada. Napaliiwyo kadin dayta? [Palubosanyo a sumungbat.] Imutektekanyo no apay a nagpateg nga am-ammuentayo a mismo ti Dios. [Basaenyo ti Juan 17:3.] Iti daytoy a banag, makapainteres dagiti panglukat nga artikulo iti daytoy a ruar.”

Agriingkayo! Peb. 22

“Iti panagkunayo, pinanggep aya ti Dios nga agsagaba iti malnutrision dagiti tattao, a pakairamanan dagiti ubbing? [Palubosanyo a sumungbat.] Imutektekanyo daytoy makaliwliwa a kari a masarakan iti Biblia. [Basaenyo ti Salmo 72:16.] Salaysayen daytoy a ruar ti Agriingkayo! dagiti pakaigapuan ti malnutrision ken, kangrunaanna, ti kari ti Dios a pagpatinggaennanto dayta iti saanen a mabayag.”

Ti Pagwanawanan Mar. 1

“Kayatmi a maammuan ti kapanunotanyo maipapan iti daytoy makapainteres a teksto. [Basaenyo ti Mateo 5:10.] Kasano nga agbalin a naragsak ti tao a maidaddadanes? [Palubosanyo a sumungbat.] Salaysayen dagiti umuna a dua nga artikulo iti daytoy a magasin ti maipapan kadagiti dadduma nga iti baet ti panagsagabada, naragsakda latta. Sigurado nga interesadokayo a mangbasa no kasanoda a nakapagtalinaed a naragsak.”

Agriingkayo! Mar. 8

“Dikay kadi umanamong nga iti baet dagiti parikut iti biag, adda latta rasontayo nga agyaman? [Palubosanyo a sumungbat.] Ti wagas a pannakaaramidtayo ti maysa kadagiti panggapuantayo nga agyaman. [Basaenyo ti Salmo 139:14.] Anian a yamantayo ta addaantayo kadagiti sentido a kasapulantayo tapno maapresiartayo ti biag, kas ilawlawag daytoy a ruar ti Agriingkayo!”