No Ania ti Ibagayo Maipapan Kadagiti Magasin

Ti Pagwanawanan Abr. 15

“Kadagitoy kallabes a tawen, adu ti nakapaliiw a saan unayen a maikankano dagiti naespirituan a prinsipio. Mapalpaliiwyo kadi daytoy? [Palubosanyo a sumungbat. Sa basaenyo ti Salmo 119:105.] Dagiti naespirituan a prinsipio matulonganna dagiti tattao a mangliklik iti adu a parikut iti biag. Ipakita daytoy a magasin no pakasarakan kadagiti pudno a naespirituan a prinsipio.”

Agriingkayo! Abr. 22

“Iti lubong a napartak ti taray ti biag ita, adu ti mangpampanunot no napartak unay ti panagmataengan dagiti ubbing. Pakaseknanyo kadi daytoy? [Palubosanyo a sumungbat. Sa basaenyo ti Eclesiastes 3:1, 4.] Ti panagubing ket saan koma a panawen ti panangibaklay kadagiti rebbengen dagiti nataengan. Salaysayen daytoy a ruar ti Agriingkayo! no kasano a masaluadan dagiti nagannak ti panagubing dagiti annakda.”

Ti Pagwanawanan Mayo 1

“Adda dagiti saludsod a di masungbatan ti tao. Kitaenyo daytoy nga ehemplo. [Basaenyo ti Job 21:7.] Adda kadi saludsod a kayatyo nga iyimtuod iti Dios? [Palubosanyo a sumungbat.] Ilawlawag daytoy a magasin no kasano a nasarakan dagiti tattao iti amin a paset ti daga dagiti makapnek a sungbat ti tallo kadagiti kapatgan a saludsod iti biag.”

Agriingkayo! Mayo 8

“Kaaduan kadatayo ket adda am-ammona nga addaan iti diabetes. Ania ti ammoyo maipapan iti daytoy a sakit? [Ipakitayo ti akkub ti magasin, sa palubosanyo a sumungbat.] Sukimaten daytoy a magasin dagiti pakaigapuan ken agas ti diabetes. Salaysayenna met ti kari ti Biblia nga agpatingganton iti agnanayon ti amin a sakit.” Ingudoyo babaen ti panangbasayo iti Isaias 33:24.