No Ania ti Ibagayo Maipapan Kadagiti Magasin

Ti Pagwanawanan Mar. 15

“Masansan a madakamat dagiti tattao ti iyaay ni Jesu-Kristo. Iti panagkunayo, daytoy kadi a pasamak ket rumbeng a seggaan wenno pagbutngan? [Palubosanyo a sumungbat.] Imutektekanyo no ania ti kinuna ni Juan a mannurat iti Biblia maipapan iti dayta. [Basaenyo ti Apocalipsis 22:20.] Ilawlawag daytoy a magasin no anianto ti ibanag ti iyaay ni Kristo.”

Agriingkayo! Mar.

“Adu a lider ditoy lubong ti kasla napasindayag unay. Iti panagkunayo, makatulong ngata dayta a kababalin tapno maadda ti talna ken panagkaykaysa ditoy lubong? [Palubosanyo a sumungbat.] Kastoy ti kunaen ti Biblia maipapan iti panagpannakkel. [Basaenyo ti Proverbio 16:18.] Ilawlawag daytoy nga artikulo no ania dagiti pagimbagan ti panagbalin a napakumbaba.” Itampokyo ti artikulo a mangrugi iti panid 20.

Ti Pagwanawanan Abr. 1

“Nganngani inaldaw a maipaspasangotayo kadagiti saludsod maipapan iti salun-at, pamilia, ken trabahotayo. Sadino ti ammoyo a pakasarakantayo kadagiti mapagtalkan ken praktikal a sungbat? [Palubosanyo a sumungbat.] Imutektekanyo no ania ti kuna ti Biblia iti 2 Timoteo 3:16. [Basaenyo.] Ipakita daytoy a magasin no kasano a matulongannatayo ti Biblia iti nagduduma a praktikal a pamay-an.”

Agriingkayo! Abr.

“Iti adu a paset ti lubong, nadlaw dagiti tattao nga agrakrakayan dagiti moral a pagalagadan. Napaliiwyo kadin dayta? [Palubosanyo a sumungbat.] Dagiti kasasaad a maim-imatangantayo ita ket kaitungpalan ti padto ti Biblia. [Basaenyo ti 2 Timoteo 3:2-4.] Ipakita daytoy a magasin no ania ti ipampamatmat ti panagrakaya ti moral ken no sadino ti pangiturturonganna iti sangatauan.”