No Ania ti Ibaga No Itukon Dagiti Magasin

Ti Pagwanawanan Setiembre 1

“No dadduma, makaaramid dagiti tattao iti dakes gapu iti di umiso a kinaregtada iti relihionda. Iti panagkunayo, apay ngata a kasta la unay ti pannakaallilawda? [Palubosanyo a sumungbat.] Imutektekanyo no ania ti iparparegta ti Biblia. [Basaenyo ti 1 Juan 4:1.] Ilawlawag daytoy nga artikulo no apay a napateg nga idiligtayo dagiti patpatientayo iti kuna ti Sao ti Dios.” Itampokyo ti artikulo a mangrugi iti panid 10.

Agriingkayo! Setiembre

Basaenyo ti Mateo 5:39 sa kunaenyo: “Iti panagkunayo, kayat kadi a sawen ni Jesus nga agulimektayo lattan no adda dakes nga aramiden dagiti tattao kadatayo? [Palubosanyo a sumungbat.] Ipakita daytoy nga artikulo no ania ti kuna ti Biblia maipapan iti panangidepensa iti bagi ken iti panagpatulong iti linteg.” Itampokyo ti artikulo a mangrugi iti panid 10.

Ti Pagwanawanan Oktubre 1

“Agkarkararag dagiti tattao iti intero a lubong uray no saan nga agpapada ti relihionda. Iti panagkunayo, talaga kadi nga imdengan ken sungbatan ti Dios dagiti kararag? [Palubosanyo a sumungbat.] Iparparegta ti Biblia nga agkararagtayo. [Basaen ti Filipos 4:6, 7.] Daytoy a magasin sungbatanna dagiti pito a saludsod a masansan a mayimtuod maipapan iti kararag.”

Agriingkayo! Oktubre

“Masansan a makadamagtayo kadagiti tattao a liniputan dagiti assawada, dagiti politiko, ken dadduma pay. Iti panagkunayo, rumigrigat kadin ti makabirok kadagiti mapagtalkan a tattao? [Palubosanyo a sumungbat.] Marikna ti adu a tattao a matungtungpalen daytoy a padto. [Basaen ti 2 Timoteo 3:1-5.] Ilawlawag daytoy a magasin no sadino ti pakasarakan kadagiti mapagtalkan a tattao.”