No Ania ti Ibaga No Itukon Dagiti Magasin

Ti Pagwanawanan Pebrero 1

“Panagkunayo, posible ngata a maammuan no ania a kita a persona ti Dios? [Palubosanyo a sumungbat.] Adda nabasak a makapainteres iti daytoy a topiko.” Basaen ken pagsaritaanyo ti material iti babaen ti maikadua a saludsod iti panid 16 ken ti maysa kadagiti naisitar a teksto. Itukonyo dagiti magasin ken ibagayo nga agsublikayto tapno pagsaritaanyo ti material iti babaen ti maikatlo a saludsod.

Agriingkayo! Pebrero

“Gapu ta nakadadaanen a libro ti Biblia, adda dagiti agkuna a saan a maitunos iti siensia ti linaon daytoy. Ania ti makunayo? [Palubosanyo a sumungbat.] Adu ti nasdaaw iti daytoy a kinuna ti Biblia. [Basaenyo ti Isaias 40:22.] Ti artikulo a mangrugi iti panid 22 sungbatanna ti saludsod nga, Agtunos Kadi ti Siensia ken Biblia?”

Ti Pagwanawanan Marso 1

“Pagaammo dagiti Saksi ni Jehova gapu iti panangaskasabada. Napampanunotyo kadin no apay nga ar-aramidenmi daytoy a trabaho? [Palubosanyo a sumungbat.] Imutektekanyo daytoy a panangilawlawag. [Basaenyo ti Mateo 24:14.] Daytoy a magasin sungbatanna dagiti saludsod nga: Ania ti naimbag a damag? Ania ti Pagarian? Ken ania ti panungpalan a mapaspasungad?”

Agriingkayo! Marso

“Yantangay adu ti makidangdangadang iti sakit, iranranudmi daytoy a makaparegta a teksto. [Basaenyo ti Isaias 33:24.] Panagkunayo, anianto ngata ti kasasaad ti biag inton matungpal daytoy? [Palubosanyo a sumungbat.] Bayat a saan pay nga inyeg ti Dios daytoy a panagbalbaliw, adda sumagmamano a napateg nga addang a mabalintayo nga aramiden tapno sumayaat ti salun-attayo. Daytoy a magasin ti mangilawlawag iti dayta.”