“Alaek ti Pagbasaanyo no Alaenyo met Daytoy Pagbasaanmi”

Dayta ti singasing ti dadduma a bumalay. Gapu ta dagiti publikasiontayo a katulongan iti panagadal iti Biblia ket ditay kayat nga isukat kadagiti narelihiosuan a literatura a naglaon iti di umiso a pannursuro, kasanotayo a sumungbat a sitataktika? (Roma 1:25) Mabalintayo nga ibaga: “Pagyamanan iti singasingyo. Mabalin kadi a maammuan ti ibagbaga dayta maipapan iti solusion dagiti problema ti sangatauan? [Palubosan a sumungbat. No ibagana a basaem tapno maammuam ti sungbat, mabalin nga ipalagipmo kenkuana a sakbay nga intukonmo ti literaturatayo, imbagam nga umuna ti linaon dayta. Kalpasanna, basaem wenno kotarem ti Mateo 6:9, 10.] Impasimudaag ni Jesus a ti Pagarian ti Dios ti mangibanag iti pagayatan ti Dios ditoy daga. Isu a ti laeng narelihiosuan a literatura a basbasaek ket maipapan iti Pagarian ti Dios. Mabalin kadi nga ipakitak kadakayo manipud iti Biblia ti dadduma nga aramidento ti Pagarian ti Dios?”