Tulonganyo Ida a ‘Mapatibker iti Pammati’

Makaparagsak a makita no kasano a bembendisionan ni Jehova ti trabaho a panagurnong, ta nasurok a 250,000 ti tinawen a mababautisaran. (Deut. 28:2) Apaman a mabautisaran ti maysa nga estudiante iti Biblia, baka isardengen ti agibumbunannag ti mangyadal kenkuana sa agbirok manen iti sabali a mayadalan. Uray ti estudiante, baka kayatna metten nga isardeng ti agadal tapno ad-adu ti panawenna iti ministerio. Nupay kasta, dagiti estudiante iti Biblia ket nasken nga addaan iti natibker a pundasion iti kinapudno. Masapul a ‘nairamutda’ ken ni Kristo ken ‘mapatibkerda iti pammati.’ (Col. 2:6, 7; 2 Tim. 3:12) Gapuna, uray no nabautisaranen ti estudiante, masapul nga agtultuloy latta a mayadalan agingga a mairingpasna dagiti libro nga Isursuro ti Biblia ken ti Ayat ti Dios.—Kitaenyo ti Abril 2011 a Ti Ministeriotayo iti Pagarian, panid 2.