Pagtuladan a Presentasion

Para iti Kampania a Panagiwaras iti Imbitasion iti Memorial

“Agiwarwaraskami iti imbitasion para iti nakapatpateg nga okasion. Inton Abril 14, minilion ti agtataripnongto iti intero a lubong tapno laglagipenda ti ipapatay ni Jesu-Kristo ken dumngegda iti libre a palawag a naibatay iti Biblia maipapan iti no kasano a magunggonaantayo iti ipapatayna. Naikabil iti imbitasion ti oras ken lugar a pakaangayanna iti lugartayo.”

Ti Pagwanawanan Abril 1

“Simmarungkarkami iti apagbiit ta kayatmi ti makisarita maipapan iti banag nga ar-aramiden ti dandani amin a tao, aniaman ti relihionna—ti panagkararag. Iti panagkunayo, sungbatan ngata ti Dios dagiti kararag, wenno bang-arannatayo laeng no adda problematayo? [Palubosanyo a sumungbat.] Kitaenyo no ania ti kuna ti Biblia maipapan iti kararag. [Basaenyo ti 1 Juan 5:14.] Ilawlawag daytoy a magasin no kasano a makagunggona kadatayo ti kararag.”

Agriingkayo! Abril

“Simmarungkarkami ta kayatmi ti tumulong maipapan iti problema nga agbalbalinen a gagangay. Adda dagiti tattao a no nakaro ti parikutda, kayatdan ti agpakamatay. No nakaro ti leddaang ti maysa a tao, iti panagkunayo talaga kadi a kayatna ti matay, wenno kayatna laeng ti mabang-aran? [Palubosanyo a sumungbat.] Kitaenyo ti kari ti Biblia a nakatulong iti adu a maaddaan iti positibo a panangmatmat. [Basaenyo ti Apocalipsis 21:3, 4.] Ilawlawag daytoy a magasin ti tallo a rason no apay a saanka a sumuksuko aniaman ti problema a mapaspasaram.”