Siasino ti Mabalin a Sangaili iti Tolda ni Jehova?

Tapno agbalin a sangaili iti tolda ni Jehova masapul a ti maysa ket gayyem ti Dios, daydiay agtalek ken agtulnog kenkuana. Nadakamat iti Salmo 15 no ania dagiti birbiroken ni Jehova iti maysa a gayyem.

TI SANGAILI NI JEHOVA MASAPUL A . . .

• natarnaw

• sawenna ti pudno, uray iti kaunggan ti pusona

• padayawanna dagiti padana nga adipen ni Jehova

• tungpalenna ti ibagbagana, uray no narigat dayta

• tulonganna dagiti agkasapulan a di mangnamnama iti aniaman a subad

TI SANGAILI NI JEHOVA LIKLIKANNA TI . . .

• agtsismis ken mangpadakes

• agaramid iti dakes iti padana a tao

• manggundaway kadagiti kapammatianna

• makikadua kadagidiay saan nga agserserbi wenno agtultulnog ken Jehova

• umawat iti pasuksok