Agtalek ken Jehova ken Agaramid iti Naimbag

“Dika . . . umapal kadagidiay agar-aramid iti kinakillo”

37:1, 2

• Dimo ipalubos a ti temporario a panagballigi dagiti managdakdakes ti mangsinga kenka iti panagserbim ken Jehova. Agtalinaedka a naipamaysa kadagiti naespirituan a kalat ken bendision

“Agtalek ken Jehova ken agaramid iti naimbag”

37:3

• Agtalekka a tarabayennaka ni Jehova iti aniaman a panagduadua ken pakadanagan. Tulongannaka nga agtalinaed a matalek

• Agtalinaedka nga okupado iti panangiranud iti naimbag a damag maipapan iti Pagarian ti Dios

“Agragsakka iti napalalo ken Jehova”

37:4

• Mangyeskediulka iti oras nga agbasa iti Sao ti Dios ken mangutob iti dayta a ti kalatmo ket ad-adda a maam-ammom ni Jehova

“Iyadanim ken Jehova ti dalanmo”

37:5, 6

• Naan-anay nga agtalekka a tulongannaka ni Jehova a mangsango iti aniaman a problema

• Taginayonem ti nasayaat a kondukta no busbusoren, idaddadanes, wenno padpadaksendaka

“Agulimekka iti sanguanan ni Jehova ket agurayka a sigagagar kenkuana”

37:7-9

• Liklikam dagiti nadarasudos a tignay a mabalin a mangpukaw iti rag-om ken mangdadael iti espiritualidadmo

“Dagidiay naemma tagikuaendanto ti daga”

37:10, 11

• Agbalin a naemma, ken sipapakumbaba nga urayem ni Jehova a mangikkat kadagiti amin a kinaawan hustisia a mapaspasaram

• Saranayem dagiti kapammatiam, ken liwliwaem dagiti malmaldaangan babaen kadagiti kari ti Dios iti baro a lubong a dandanin matungpal