PANAGBIAG KAS KRISTIANO
Panagbalin a Nadayaw iti Ruangan
Dagiti Kristiano ket “bubuyaen iti teatro iti lubong.” (1Co 4:9) Gapuna, ditay koman a masmasdaaw no adda dagiti bumalay a mangpalpaliiw kadatayo iti tawa wenno dumdumngeg iti likudan ti ruangan. Mabalin nga adda pay ketdi surveillance camera ken mikropono ti balayda isu a maobserbaran, mangngeg, ken mairekorddatayo. Dagitoy dagiti dadduma a pamay-an a maipakitatayo ti nasayaat a kondukta no addatayo iti ruangan.—2Co 6:3.
BABAEN ITI TIGNAYMO (Fil 1:27):
Respetuen ti kinapribado ti bumalay babaen iti saan a panangsirip iti balayna. Saanka a mangmangan, umin-inum, agtawtawag, wenno agteteks no nakatakderka iti ridaw
BABAEN ITI SAOM (Efe 4:29):
Bayat nga addaka iti ridaw, dika mangibagbaga iti banag a dimo kayat a mangngeg ti bumalay. Adda pay ketdi dagiti agibumbunannag a saan pay laeng a makitungtong iti kaduada tapno mapanunotda a naimbag no ania ti ibagada iti bumalay