“Dayawem ni Amam ken ni Inam”

Idi nagbiag ni Jesus ditoy daga, impaganetgetna daytoy a bilin: “Dayawem ni amam ken ni inam.” (Ex 20:12; Mt 15:4) Sigurado nga adda wayawaya ni Jesus a nangibaga iti dayta ta kas agtutubo “nagtultuloy a nagpasakup” kadagiti nagannakna. (Lu 2:51) Kas adulto, sinigurado ni Jesus a kalpasan ti ipapatayna, adda mangaywan ken ni nanangna.—Jn 19:26, 27.

No natulnog ken nadayaw met ti pannakisarita dagiti Kristiano nga agtutubo ita kadagiti nagannakda, padpadayawanda ida. Kinapudnona, awan inggana ti panangsurottayo iti bilin a padayawantayo dagiti nagannaktayo. Uray lakay wenno baketdan, masapul nga itultuloytayo a padayawan ida babaen ti panagpaidalantayo iti siribda. (Pr 23:22) Mapadayawantayo pay ida babaen ti panangtulongtayo kadakuada iti emosional ken pinansial no kasapulan. (1Ti 5:8) Ubingtayo man wenno nataengan, makatulong ti nasayaat a komunikasion tapno mapadayawantayo ida.

BUYAEN TI WHITEBOARD ANIMATION A KASANOK A KASARITA DAGITI NAGANNAKKO? SA SUNGBATAN DAGITOY A SALUDSOD:

• Apay a mabalin a marigatanka a makisarita kadagiti nagannakmo?

• Kasano a maipakitam ti dayaw kadagiti nagannakmo no kasarsaritam ida?

  

• Apay a sulit ti panangikagumaam a makisarita kadagiti nagannakmo? (Pr 15:22)