Agapelar ni Pablo ken Cesar sa Mangsaksi ken Ari Herodes Agripa

25:11; 26:1-3, 28

Uray saan a masapul a madanagantayo no ania ti ibagatayo no ‘maipantayo kadagiti gobernador ken ari,’ masapul latta a ‘nakasaganatayo nga agidepensa’ iti sanguanan ti amin nga agkiddaw iti panangilawlawag iti namnamatayo. (Mt 10:18-20; 1Pe 3:15) No padasen dagiti bumusbusor ti mangaramid iti “riribuk iti nagan ti linteg,” kasano a matuladtayo ti ulidan ni Pablo?​—Sal 94:20.

• Usarentayo dagiti legal a kalintegantayo a mangidepensa iti naimbag a damag.​—Ara 25:11

• Nadayawtayo a makisarita kadagiti addaan autoridad.​—Ara 26:2, 3

• No maitutop, ilawlawagtayo no kasano a nagunggonaantayo ken ti sabsabali gapu iti naimbag a damag.​—Ara 26:11-20