GAMENG MANIPUD ITI SAO TI DIOS | TITO 1–FILEMON
“Mangdutokka Kadagiti Panglakayen”
Naibilin ken Tito a ‘mangdutok kadagiti panglakayen iti tunggal siudad.’ Masursurot ita daytoy a pagtuladan a naisurat iti Biblia no dagiti manangaywan iti sirkito ket mangdutok kadagiti panglakayen iti kongregasion.
BAGI A MANARAWIDWID
Kas panangsurot iti pagtuladan idi umuna a siglo, intalek ti Bagi a Manarawidwid kadagiti manangaywan iti sirkito ti nadagsen a responsabilidad a mangdutok kadagiti panglakayen ken ministerial nga adipen.
MANANGAYWAN ITI SIRKITO
Masapul nga usigen a naimbag ken ikararag ti tunggal manangaywan iti sirkito dagiti inrekomenda dagiti panglakayen. Kalpasanna, dutokanna dagiti lallaki a kualipikado.
NADUTOKAN A PANGLAKAYEN
Uray no nadutokanen dagiti panglakayen, masapul nga itultuloyda nga iyaplikar dagiti Nainkasuratan a kualipikasion.