AGBALIN A MAS EPEKTIBO ITI MINISTERIO | NAYONAM TI RAGSAKMO ITI MINISTERIO
Danonen ti Puso
Masapul a naimpusuan ti panagtulnog iti Dios. (Pr 3:1) Isu a no mangisursurotayo, masapul nga ikagumaantayo a danonen ti puso dagiti iyad-adalantayo. Kasano?
Saanmo laeng a basta isuro iti iyad-adalam dagiti kinapudno iti Biblia. Tulongam a mangyaplikar kadagiti maad-adalna iti biagna ken maaddaan iti relasion ken Jehova. Tulongam ti iyad-adalam tapno maawatanna no kasano nga ipakita dagiti bilin iti Biblia ti ayat, kinaimbag, ken kinalinteg ti Dios. Nataktika nga agsaludsodka tapno matulongam a mangusig no ania ti marikriknana kadagiti maad-adalna. Tulongam nga agpanunot kadagiti pagimbagan ti panangilinteg iti di umiso a kapanunotan wenno aramid. No makitam a naimpusuan nga ay-ayaten ti iyad-adalam ni Jehova, manayonan ti ragsakmo.
BUYAEN TI VIDEO A PADASEM TI RAGSAK NGA IYEG TI PANAGARAMID ITI ADALAN—PARANG-AYEM DAGITI ABILIDADMO—DANONEN TI PUSO, SA SUNGBATAN DAGITOY:
Apay nga insaludsod ni Neeta ken ni Jade: “Pinampanunotmo kadi ti nagsaritaanta idi Lunes?”
Kasano a tinulongan ni Neeta ni Jade tapno maawatanna no kasano a dagiti bilin iti Biblia ipakitana nga ay-ayaten isuna ni Jehova?
No danonentayo ti puso ti iyad-adalantayo, matignay isuna a rumang-ay
Kasano a tinulongan ni Neeta ni Jade a mangpanunot no kasano a maipakitana nga ay-ayatenna ti Dios?