Malabanantayo ti Gura!

No saan, baka adda am-ammom a nakapadasen iti dayta. Masansan a makadamdamagtayo iti maipapan kadagiti tattao a magurgura gapu ta naggapuda iti sabali a nasion, sabali ti pulida, wenno homoseksualda. Gapu iti dayta, adu a gobierno ti mangipatpatungpal kadagiti linteg maikontra kadagiti agar-aramid iti krimen gapu iti gura.

Dagiti magurgura ket adda tendensiada a manggura tapno agibalesda, isu a saan nga agpatpatingga ti gura.

Baka nabiktimakan iti panangidumduma, pananguy-uyaw, panangin-insulto, pamutbuteng, ken baka nahusgarankan gapu iti naggapuam. Ngem saan la a dagita ti maaramidan ti gura. Kaaduanna nga agresulta pay dayta iti krimen, panang-bully, bandalismo, panangdangran, rape, panangpapatay, wenno panangibus iti puli.

Sungbatan daytoy a magasin dagitoy a saludsod:

• Apay a nagkaro ti gura?

• Kasano a mapasardeng ti panagwaras ti gura?

• Maawanto pay kadi ti gura? Kasano?