Agbalinka a Natured no Busbusorendaka

Basaem ti Jeremias 38:​1-13 tapno makasursuroka iti kinatured nga impakita da propeta Jeremias ken ti eunuko a ni Ebed-melec.

Adalem a naimbag ti konteksto. Apay a masapul a natured ni Jeremias idi impakaammona ti mensahe ni Jehova? (Jer. 27:​12-14; 28:​15-17; 37:​6-10) Ania ti reaksion dagiti tattao?—Jer. 37:​15, 16.

Ammuem ti ad-adu pay. Ania ti kayat dagiti tattao nga aramiden ni Jeremias? (jr 26-27 ¶20-22) Ammuem ti pakausaran dagiti pagurnongan iti danum idi tiempo ti Biblia. (it-2 619) Ania ngata ti narikna ni Jeremias bayat a nakalumlom iti napitak a pagurnongan iti danum? Ania ngata dagiti pagbutbutngan ni Ebed-melec a masapul a parmekenna?—w12 5/1 31 ¶2-3.

Ammuem dagiti masursurom. Isaludsodmo iti bagim:

• ‘Ania ti isuro kaniak daytoy a salaysay maipapan iti panangsalaknib ni Jehova kadagiti napudno nga adipenna?’(Sal. 97:10; Jer. 39:​15-18)

• ‘Ania dagiti situasion a masapul a naturedak?’

• ‘Kasano nga agbalinak a naturtured a mangaramid iti umiso no adda ibubusor?’(w11 3/1 30)a