Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • ijwyp artikulo 101
  • Kasanoak a Makapagadal Uray no Saan nga iti Eskuelaan?

Awan video-na ti napilim.

Pasensiakan, adda problema iti pannakai-load ti video.

  • Kasanoak a Makapagadal Uray no Saan nga iti Eskuelaan?
  • Saludsod Dagiti Agtutubo
  • Subtitulo
  • Umasping a Material
  • Lima a tip tapno agballigika
  • Aniat’ Maaramidak iti Nakaad-adu a Homework?
    Agriingkayo!—1993
  • Kasanoak a Makapagpokus?
    Saludsod Dagiti Agtutubo
  • Apay Nasken a Saetak ti Agadal Idiay Eskuelaan?
    Agriingkayo!—1992
  • Kasanok nga Usaren a Naimbag ti Tiempok?
    Saludsod Dagiti Agtutubo
Kitaen ti Ad-adu Pay
Saludsod Dagiti Agtutubo
ijwyp artikulo 101
Tin-edyer nga agad-adal iti lamisaan iti asideg ti tawada.

SALUDSOD DAGITI AGTUTUBO

Kasanoak a Makapagadal Uray no Saan nga iti Eskuelaan?

Ages-eskuela itan ti adu nga estudiante iti sabali a “classroom”—iti mismo a balayda. No kasta ti situasionmo, kasanoka nga agballigi? Dagitoy ti sumagmamano a tip.a

  • Lima a tip tapno agballigika

  • Ti kuna dagiti padam nga agtutubo

Lima a tip tapno agballigika

  • Iplanom dagiti aramidem. Ikagumaam a suroten ti eskediulmo, a kas iti ar-aramidem no addaka iti eskuelaan. Mangaramidka iti eskediul para iti panagaramid iti asaynment, trabaho iti balay, ken dadduma pay nga importante a banag. Mabalinmo a baliwan dayta no kasapulan.

    Prinsipio ti Biblia: “Aramidenyo ti amin a banag . . . sigun iti urnos.”—1 Corinto 14:40.

    “Ibilangmo a kasla addaka latta iti eskuelaan. Masapul nga ileppasmo dagiti aramidem iti umiso a tiempo.”—Katie.

    Panunotem: Apay a nasayaat nga isuratmo ti eskediulmo ken ipuestom iti nalakam a makita?

  • Disiplinaem ti bagim. Tapno agbalinka a responsable, masapul nga aramidem dagiti bambanag uray no kasla saanmo koma kayat nga aramiden. Saanka nga agitantan!

    Prinsipio ti Biblia: “Agbalinkayo a nagaget, dikay agpataypatay iti aramidyo.”—Roma 12:11, footnote.

    “Nakarigrigat a disiplinaen ti bagi. Nalaka laeng nga ibaga, ‘Madamdamakton nga aramiden ti asaynmentko.’ Ngem saanmonto met laeng nga aramiden, isu a mabuntuonankanton.”—Alexandra.

    Panunotem: Kasanoka nga agbalin a mas disiplinado no aramidem dagiti asaynmentmo iti isu met laeng nga isu a lugar ken oras iti inaldaw?

  • Mangpilika iti puesto a pagadalam. Ikabilmo ti amin a kasapulam nga agadal. Komportable koma ti pagadalam, ngem saan a komportable unay nga uray la makaturogka. Pagadalam dayta, saan a pagturogan! No awan ti lugar a pagadalam, mabalinmo ti agadal iti kosina wenno iti kuartom.

    Prinsipio ti Biblia: “Sigurado nga agballigi dagiti plano ti nagaget.”—Proverbio 21:5.

    “Saanmo pay la a pampanunoten ti agbasketbol ken ag-video game. I-silent-mo ti selponmo, ken idulinmo pay lang ti gitaram. Mas makapagadalka no awan ti pakaistorboam.”—Elizabeth.

    Panunotem: Ania dagiti masapul a balbaliwam iti lugar a pagadalam tapno nalaklakaka nga agpokus?

  • Agpokuska. Saanmo a paggigiddanen ti aramidem. Agpokuska iti madama nga ar-aramidem. No ngamin paggigiddanem ti aramidem, mabalin nga agkamalika ken nabaybayagmo a maileppas ti trabaho.

    Prinsipio ti Biblia: “Usarenyo ti tiempoyo iti kasayaatan a pamay-an.”—Efeso 5:16.

    “Saanak a talaga a makapagpokus no makitkitak ti selponko. Adu ti masaysayang nga orasko ta awan ti maar-aramidak.”—Olivia.

    Panunotem: Kayam kadi nga in-inut a nayonan ti orasmo nga agpokus iti ad-adalem?

  • Ag-break-ka. Agpagnapagna, agbisikleta, wenno ag-exercise-ka. Ganadoka nga agadal no maaramidmo dagiti pagay-ayatmo. “Ngem palpasem pay nga umuna ti ar-aramidem,” kuna ti libro nga School Power. “Mas ma-enjoy-mo ti libre nga orasmo no nalpasmon ti ar-aramidem.”

    Prinsipio ti Biblia: “Nasaysayaat ti sangarakem nga inana ngem ti dua a rakem a napasnek a panagtrabaho ken panangkamat iti angin.”—Eclesiastes 4:6.

    “Idiay eskuelaan, mabalinmo ti agsursuro nga agusar iti instrumento ti musika wenno ag-enroll iti art class. Kailiwkon dagita gapu ta saankon a maar-aramid ita. Bayat nga ages-eskuelaka, mayat no adda met sabali a banag a masursurom.”—Taylor.

    Panunotem: Ania dagiti pagay-ayatmo nga aramiden a makatulong kenka tapno ganadoka a mangituloy iti panagadalmo?

a Nadumaduma ti pamay-an ti panageskuela iti balay. Usarem dagiti tip iti daytoy nga artikulo depende iti situasionmo.

Ti kuna dagiti padam nga agtutubo

Jacob.

“Kanayonka nga ag-break ngem apagbiit laeng. Marigatanka no agtugtugawka iti mano nga oras. Isu a masansan a tumakderka tapno makapagpokuska ken saanka a maboring.”—Jacob.

Juliana.

“No saanmo a disiplinaen ti bagim, awan ti maaramidam. Iplanom no ania dagiti masapul nga aramidem iti inaldaw tapno nalaklakam a maileppas dagiti leksionmo.”—Juliana.

Rebiu: Kasanoak a makapagadal uray no saan nga iti eskuelaan?

  • Iplanom dagiti aramidem. No awan ti eskediul a naited kenka para iti panagadalmo, mangaramidka ken surotem dayta.

  • Disiplinaem ti bagim. Masapul nga aramidem dagiti bambanag, uray no kasla saanmo koma kayat nga aramiden.

  • Mangpilika iti puesto a pagadalam. Komportable koma ti pagadalam, ngem saan a komportable unay nga uray la makaturogka. Ikkatem dagiti banag a makaistorbo kenka.

  • Agpokuska. Saanmo a paggigiddanen ti aramidem. Agpokuska iti madama nga ar-aramidem.

  • Ag-break-ka. Ganadoka nga agadal no agehersisioka wenno aramidem dagiti pagay-ayatmo.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share