Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • ijwwd artikulo 34
  • Ti Teknik ti Grunion nga Agitlog

Awan video-na ti napilim.

Pasensiakan, adda problema iti pannakai-load ti video.

  • Ti Teknik ti Grunion nga Agitlog
  • Nadisenio Kadi?
  • Umasping a Material
  • Ti Kinangayed ti Darat
    Agriingkayo!—2003
  • No Lumabaga ti Danum
    Agriingkayo!—2001
  • Darat
    Pannakatarus iti Kasuratan, Tomo 1
  • Pannagna iti Darat—Dagiti Pamay-an iti Nasaysayaat a Salun-at
    Agriingkayo!—1995
Kitaen ti Ad-adu Pay
Nadisenio Kadi?
ijwwd artikulo 34
Tallo a California grunion nga agit-itlog iti igid ti baybay.

Blue Planet Archive/Mark Conlin

NADISENIO KADI?

Ti Teknik ti Grunion nga Agitlog

Ti bassit nga ikan a maawagan iti California grunion ket agitlog iti igid ti baybay iti Pacific iti California, U.S.A., ken Baja California, Mexico. Ammo dagitoy nga ikan dagiti eksakto nga aldaw ken tiempo no kaano nga agitlogda tapno makalasat dagiti itlogda.

Panunotem: Agitlog laeng dagiti grunion bayat ti maikatlo wenno maikapat a rabii kalpasan ti kangatuan a panagatab (high tide) a resulta ti kabus wenno baro a bulan. No agitlogda kadagiti rabii sakbay ti kabus wenno baro a bulan, mayanud dagiti itlogda iti baybay gapu iti panagatab, a mangkurukor kadagiti darat iti igid ti baybay. Ngem gapu ta agitlogda kalpasan ti kangatuan a panagatab—no mangrugin nga umatras dagiti dalluyon ken isublida manen dagiti darat iti igid—nataltalgeden dagiti itlog ta ad-adu ti maigabur a darat kadagita.

Ginasut a kalakian ken kabaian a grunion nga agit-itlog iti igid ti baybay iti tengnga ti rabii.

Wally Skalij/Los Angeles Times via Getty Images

Kasta met, bayat ti panagitlogda iti spring ken summer, ti panagatab iti rabii ket kanayon a nangatngato ngem iti panagatab iti aldaw—isu nga ad-adda a makapagpaigid dagiti ikan tapno saan a maabut ti sumaruno a panagatab dagiti itlogda.

Tapno makapagitlog dagiti grunion, masapul nga agurayda iti dakkel a dalluyon a mangiduron kadakuada iti kadaratan. No agatrasen ti dalluyon, ikutukot ti babai a grunion ti ipusna tapno mailumlomna bassit ti bagina iti nabasa a kadaratan. No mailumlomnan dagiti itlogna iti kauneg a lima agingga iti walo a sentimetro (2-3 in.), maysa wenno ad-adu pay a lallaki ti mangpertilisar kadagita. Kalpasan a makapagitlog, aguray iti dalluyon a mangyanud kenkuana nga agsubli iti taaw.

Ma-develop dagiti itlog iti namaga a kadaratan ngem masapul a madanon ida dagiti dalluyon tapno mangrugida a mapessaan. Isu a kalpasan ti agarup dua a lawas, iti sumaruno a kangatuan a panagatab, mapessaanen dagiti itlog, ngem mabalin nga umabut dayta iti uppat a lawas agingga iti sumaruno manen a kangatuan a panagatab.

Panagkunam: Resulta kadi ti ebolusion ti abilidad ti grunion a mangammo no kaano ken kasano nga agitlog? Wenno adda nangdisenio iti dayta?

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share