Footnote

b Dagidiay napukawda ti kinabirhenda gapu iti panangrames wenno panangabuso iti ubing ket mabalin a maliwliwada iti panangammo a ti Dios matmatanna pay laeng ida nga “awan ti pakababalawan ken natarnaw.” (Filipos 2:15) Asinoman a nakiraman iti pannakiabig sakbay a naammuanda dagiti prinsipio ti Biblia ket mabalin met a maliwliwada iti panangammo a gapu iti panangwatwatda iti pammati iti subbot ni Jesus, “nadalusandan” iti imatang ti Dios. (1 Corinto 6:11) Ti maysa a Kristiano a natnag iti imoralidad ngem sipapasnek nga agbabawi ken agsubli ket mabalinna a magun-odan ti nadalus a takder iti Dios. Ti naayat, mannakaawat nga asawa ket masansan a sitatallugod a mangpakawan iti sidong dagitoy a kasasaad.