Footnote

a Ti Latin a tinawid kadagiti buyot a Romano, a naawagan Romano, nagbalin idi a dua a bernakular a lenguahe idiay Francia: Ti makin-abagatan a Francia agsasaoda idi iti langue d’oc (a maawagan met iti Occitan, wenno Provençal), ngem ti makin-amianan a Francia agsasaoda idi iti langue d’oïl (ti immuna a porma ti Pranses a maawagan no dadduma iti Daan a Pranses). Mailasin dagitoy dua a lenguahe iti maysa ken maysa, babaen ti sao nga usarenda para iti wen. Iti abagatan, dayta ket oc (manipud iti Latin a hoc); iti amianan, oïl (manipud iti Latin a hoc ille), a nagbalin a moderno a Pranses nga oui.