Footnote

a Makapainteres, dadduma a managbasa ti immuna a napaayda iti disenio ti abbong daydi The Golden Age. Kadakuada daytat’ nagparang a kasla gagangay unay. Kas sungbat kuna ti tinawen a report ti Watch Tower Society: “Gapu itoy isingasingmi nga idi tiempo a nangrugi a naipablaak ti The Golden Age adda idi ti panagwelga dagiti managimaldit idiay Greater New York. Sumagmamano nga aldaw laeng sakbayna, naaramid ti maysa a kontrata a maipaay ti pannakaipablaak ti The Golden Age ket dagiti lallaki a mangpapaandar kadagiti makina nga agus-usar iti kita ti papel ken abbong a nausar iti dayta ket saanda a nagwelga. Ngarud agparang a bendision ti Dios a dagiti letra ti abbong ken ti papel ti napili, gapu iti rason a no sabali koma ti napili imposible koma ti pannakairugi a pulos dayta a magasin. Gapuna agparang a kasla pinaraburan ti Apo ti mangrugrugi a publikasion.”