Footnote

a Mainayon kadagiti dadduma a bambanag, kuna daytoy nga artikulo: “Nikaanoman awan pay kasta a kasaknap ti pammaneknek ti kinapudno kas kadagiti napalabas a sumagmamano a tawtawen. . . . Ti natda ti mangiyeg kadakuada ti makaparagsak a mensahe, ket kunaenda: ‘Ket ti mayat, awatenna koma ti danum ti biag nga awan baybayadna.’ Naibaga kadakuada a mabalinda itan nga alaen ti takderda iti dasig ti Apo, ken maibusor iti Diablo, ket umawatda ti bendision. Saan aya a dayta a klase dagiti tattao a mangsapul itan ti kinaemma ken kinalinteg, ti maitalimengto iti aldaw ti pannakaiyebkas ti pungtotna, ket malasatandanto ti dakkel a bakal ti Armagedon ket agbiagda iti agnanayon a saandanton a matay? (Sof. 2:3) . . . Ti matalek a klase natda tumiponda iti manangaasi nga awis ken kunaenda, ‘Umayka.’ Daytoy a mensahe ket maiwaragawag kadagidiay addaan tarigagay iti kinalinteg ken kinapudno. Masapul a daytat’ maaramidan itan.”