Footnote

a Sakbay ti rebolusion idi Oktubre 1917, inusar ti Russia ti nadadaan a kalendario a Julian, ngem kaaduan a pagilian nangrugi nga inusarda ti kalendario a Gregorian. Idi 1917, ti kalendario a Julian ket naladladaw iti 13 nga aldaw ngem iti Gregorian. Kalpasan ti rebolusion, nangrugi nga usaren ti Soviet ti kalendario a Gregorian a maus-usar iti sangalubongan. Ngem ti Orthodox Church intultuloyna nga inusar ti kalendario a Julian para kadagiti rambak ti iglesia, a tinukoyna dayta kas ti “Kadaanan a Panangrambak” a kalendario. Mabalin a madamagyo a marambakan iti Enero 7 ti Krismas idiay Russia. Ngem laglagipenyo a ti Enero 7 iti kalendario a Gregorian ket Disiembre 25 iti kalendario a Julian. Gapuna, rambakan ti adu a Ruso ti Krismas ken Baro a Tawen kadagitoy a petsa: Disiembre 25, Krismas ti Makin-laud; Enero 1, sekular a Baro a Tawen; Enero 7, Krismas ti Orthodox; Enero 14, Kadaanan a Panangrambak iti Baro a Tawen.