PELEG

[Pannakabingbingay].

Anak ni Eber ken ama ni Reu iti linia manipud ken Sem agingga ken Abraham, ngarud maysa kadagiti nagkauna nga inapo ni Jesus. Nagbiag ni Peleg iti 239 a tawen (2269-2030 K.K.P.) ken isu ti nagtaudan ti maysa kadagiti 70 a pamilia kalpasan ti Layus.​—Ge 11:16-19; 1Cr 1:24-27; Lu 3:35.

Peleg ti naipanagan kenkuana ta “idi kaaldawanna nabingbingay ti daga.” (Ge 10:25; 1Cr 1:19) Ti sasao kadagitoy a teksto saanda a kunaen a daytoy naisangsangayan a pannakabingbingay ket napasamak idi nayanak ni Peleg sangagasut a tawen kalpasan ti Layus, no di ket ibagana laeng nga “idi kaaldawanna.” No naipanagan dayta kenkuana idi nayanak, ti pannakaipaayna ket mabalin a naimpadtuan a mangiladawan iti pannakawarawara a resulta ti pannakariribuk dagiti pagsasao idiay Torre ti Babel.​—Ge 11:1-9; idiligyo ti nagan a Noe (nalabit kaipapananna ti “Inana; Liwliwa”), a maysa met idi a naimpadtuan, Ge 5:29.