• Maaddaan iti Pammati a kas ken Abraham!
    Ti Pagwanawanan—2001 | Agosto 15

    • 6, 7. Ania a narikut a kasasaad ti nakaipasanguan da Abram ken Sarai, ket kasano nga inispal ni Jehova ni Sarai?

      6 Anian a makariribuk daytoy kada Abram ken Sarai! Agparang a mamulitanen ni Sarai. Mainayon pay, yantangay dina ammo a naasawaanen ni Sarai, aglaplapusanan dagiti insagut ni Faraon ken ni Abram, iti kasta “naaddaan iti karkarnero ken bakbaka ken as-asno ken ad-adipen a lallaki ken ad-adipen a babbai ken as-asna ken kamkamelio.”b (Genesis 12:16) Sigurado a makarurod ni Abram kadagitoy a sagut! Nupay kasla nalidem ti sasaaden ti bambanag, saan a binaybay-an ni Jehova ni Abram.