SAVE, NABABA A TANAP TI

“Ti Nababa a Tanap ti ari,” a sadiay a sinabat ti ari ti Sodoma ni Abraham ken immawat iti pamendision manipud ken Melquisedec, ari ti Salem, kalpasan a pinarmekna ni Kedorlaomer ken kadagiti kaaliansana. (Ge 14:17-24) Sinigsiglo kalpasanna, impatakder ni Absalom ti monumentona iti “Nababa a Tanap ti Ari,” a nalawag nga isu met laeng daytoy a lugar ken nalabit asideg iti Jerusalem. (2Sm 18:18) Dinakamat ni Josephus a ti Monumento ni Absalom ket naipasdek iti “kaadayo a dua nga estadio [370 m; 1,214 pie] manipud Jerusalem.” (Jewish Antiquities, VII, 243 [x, 3]) Nupay kasta, saan a masinunuo ita ti eksakto nga ayan ti Nababa a Tanap ti Save.