ASSURIM

Dagiti kaputotan ni Dedan, anak ni Jocsan a maysa kadagiti annak ni Abraham babaen ken Ketura. (Ge 25:1-3) Iti Hebreo a teksto, mabalin nga ipasimudaag ti pannakausar iti pangadu ti pormana a sao (im) iti ngudo ti nagan a ti Assurim irepresentarna ti maysa a tribu wenno tattao. Saan nga espesipiko a matukoy no ania a tribu, ngem nalabit maysa dayta a tribu iti makin-amianan nga Arabia. Nupay kasta, saan koma a maipagarup nga isuda dagiti Asirio a kapkaputotan ti anak ni Sem a ni Assur.