FEATURE

Paspasamak iti Biag ni Jacob

NI Jacob ket pinaraburan ti Dios agsipud ta imparangarangna ti nauneg a panangipateg iti sagrado a bambanag. (Heb 12:16, 17) Impanamnama ni Jehova ken Jacob a tawidento ti kaputotanna ti daga a naikari ken Abraham, sana innayon: “Babaen ti bin-im amin a pampamilia iti daga pudno unay a bendisionandanto ti bagbagida.”—Ge 28:4, 10-15.

Nupay nabendisionan iti material a kinabaknang ken iti 12 nga annak a lallaki, ti biag ni Jacob naaddaan latta kadagiti pakarikutan. Ngem saan a pulos a napukaw ni Jacob ti pammatina ken Jehova ken iti kinamapagtalkan ti saona. Uray idi matmatayen, inyebkasna ti pammatina iti Mesianiko a kari. (Ge 49:10) Kadagiti kaputotan ni Jacob a nayanak ni Jesu-Kristo, a babaen kenkuana, ti Dios agnanayonto a bendisionanna ti sangatauan.

LUGLUGAR ITI MAPA—Agraman Nainaig a Kasuratan
Beer-seba	Ge 28:10
Bethel	Ge 28:11-19; 35:6-15
Betlehem	Ge 35:16-20
Dotan	Ge 37:13, 17-36
Egipto	Ge 46:5-7, 28-30; 48:1–49:33
Haran	Ge 29:4–31:18
Mahanaim	Ge 32:1, 2
Mamre	Ge 35:27
Penuel	Ge 32:24-32
Siquem	Ge 33:18–34:31
Succot	Ge 33:17

[Dagiti mapa iti panid 529] — **MAPA:** Jacob

[Ladawan iti panid 530] — Dagiti rebba ti kadaanan a Siquem. Ditoy, ti pannakitimpuyog ti anak a babai ni Jacob kadagiti babbalasang a Canaanita ket nangiturong iti pannakapilitna (Ge 34:1, 2)