SUPPIM

1. Maysa a kaputotan ni Benjamin, nalabit babaen kada Bela ken Ir(i). (1Cr 7:6, 7, 12) Ti pannakadakamat ti nagan ni Suppim kadagiti listaan ti kaputotan ni Manases iti 1 Cronicas 7:15 ket mabalin a mangipasimudaag iti nagpaiduma a relasion dagiti tribu da Benjamin ken Manases. Iti Genesis 46:21, ni Suppim ket naawagan Muppim, mabalin a gapu ta agkaasping dagiti letra nga inrepresentar ti s ken m iti kadaanan a Hebreo nga alpabeto. Nausar met ti nagan a Sefufa(m, n), ken natukoy dayta a tao kas nagtaudan ti maysa a pamilia dagiti Sufamita iti tribu ni Benjamin.​—Nu 26:39; 1Cr 8:5.

2. Maysa nga agay-aywan iti ruangan a nadutokan iti laud ti santuario. (1Cr 26:16) Yantangay ti maudi a tallo a letra ti naganna iti Hebreo (Shup·pimʹ) ket kapada ti maudi a tallo a letra ti immun-una termino (behth ha·ʼasup·pimʹ), ipapan dagiti eskolar a dayta ket maysa a dittograpo (di nairanta a panangulit ti eskriba), isu nga iti daytoy a bersikulo, saan a tumukoy dayta iti nagan ti tao.​—Idiligyo ti 1Cr 26:10, 11.