JABAL

Maysa a kaputotan ni Cain; anak a lalaki ni Lamec iti umuna nga asawana a ni Ada. (Ge 4:17, 19, 20) Naawagan ni Jabal kas “namunganay kadagidiay agnaed kadagiti tolda ken addaan dinguen.” Saan a ni Jabal ti kaunaan a pastor, ta maysa idi a pastor ni Abel; ngem nalabit ni Jabal ti nangirugi iti agakar-akar a panagtaraken iti dinguen wenno isu idi ti kalatakan iti kasta a wagas ti panagbiag. Mabalin a pinartuatna dagiti tolda, a nalaklaka nga iyakar ngem kadagiti permanente a pagtaengan no maibus ti ruot iti maysa a pagpaaraban.