10:1, 2​—Ania ti mabalin a nairaman iti basol dagiti annak ni Aaron a da Nadab ken Abihu? Di nagbayag kalpasan nga adda di umiso nga inaramid da Nadab ken Abihu bayat ti panagannongda kas papadi, pinaritan ni Jehova dagiti papadi nga agusar iti arak wenno makabartek nga inumen bayat ti panagserbida iti tabernakulo. (Levitico 10:9) Ipasimudaagna daytoy a nakainum iti arak dagiti dua nga annak ni Aaron bayat ti nadakamat nga okasion. Ngem ti talaga a rason a nakatayanda ket ti panangidatonda iti “di mayalubog nga apuy, a saan nga imbilin [ni Jehova] kadakuada.”

10:1, 2. Dagiti agan-annong nga adipen ni Jehova ita masapul nga aramidenda dagiti kalikagum ti Dios. Kanayonanna, masapul a saanda a nadursok iti panagannongda.