Teritoria Dagiti Tribu iti Israel

Ni Jehova a mismo ti nangikeddeng kadagiti beddeng ti Naikari a Daga. Nangipaay met kadagiti panangiwanwan iti pannakabingbingay ti daga kadagiti tribu ti Israel. Naikkan dagiti pamilia kadagiti espesipiko a benneg ti daga, ket nasaluadan dagitoy a bingay maipaay iti masanguanan a kapkaputotan. Ti naaramid iti kadaanan nga Israel iparangarangna ti kalintegan ni Jehova kas soberano a mangituding iti daga kadagiti tattao iti pamay-an a ti panggepna ket maipatungpal.—Sal 24:1.