SANDIA

[Heb., ʼavat·tiʹach].

Arinduyog wenno nagtimbukel a dakkel a prutas. Natangken ti ukisna, adu ti bukelna, ken nasam-it ti nadanum a lasagna. Maysa daytoy kadagiti taraon a kailiw ti naglalaok a bunggoy ken dagiti Israelita bayat nga addada idiay let-ang kalpasan ti ipapanawda iti Egipto. (Nu 11:4, 5) Nabayagen a maimulmula dagiti sandia (Citrullus vulgaris) idiay Egipto ken iti dadduma pay a paset ti Makintengnga a Daya.