Uk-ukom Ispalenda ti Israel Manipud Pannakairurumen

TI LIBRO ti Uk-ukom ket makatukay a rekord dagiti maingel a gapuanan dagiti tattao ti pammati nga imbangon ni Jehova a mangispal iti Israel manipud pannakairurumen. Nadumaduma ti naggapuan dagiti manangirurumen; saan a kanayon nga isu met laeng dagiti lugar a nagserbian dagiti Uk-ukom. Ngem, uray kasano kabileg idi ti kabusor, no sipapakumbaba a pagbabawyan ti Israel ti dakes nga ar-aramidda ket pudno nga agtalekda ken Jehova, ispalen ida ti Ukom. Daytoy a libro ti Biblia mangipaay iti panirpatan iti dakdakkel a pannakaispal nga ipaayto ti Dios kadagiti adipenna babaen ti Anakna.