15, 16. (a) Ania ti narikna ni Anna iti panangibukbokna iti linaon ti pusona ken ti panagdayawna ken Jehova iti tabernakulo? (b) Kasanotayo a matulad ti ulidan ni Anna no madagdagsenan wenno malmaldaangantayo?

¹⁵ Ania ti narikna ni Anna kalpasan nga imbukbokna ti linaon ti pusona ken nagdaydayaw ken Jehova iti tabernakulo? Kastoy ti kuna ti salaysay: “Ti babai napan ket nangan, ket saanen a nagdanag ti rupana.” (1 Sam. 1:18) Iti Ti Naimbag a Damag Biblia, naipatarus dayta kas “saanen a naliday.” Nabang-aranen ni Anna. No an-anagen, impabaklaynan dagiti emosional a dadagsenna kadagiti nabilbileg nga abaga ti nailangitan nga Amana. (Basaem ti Salmo 55:22.) Nikaanoman, awan a pulos ti parikut a saan a kabaelan a solbaren ni Jehova!

¹⁶ No madagdagsenantayo wenno lumlumdaangtayo, nasayaat no surotentayo ti ulidan ni Anna ken ipeksatayo ti an-anek-ekentayo iti Daydiay aw-awagan ti Biblia a “Managdengngeg iti kararag.” (Sal. 65:2) No aramidentayo dayta buyogen ti pammati, ti kinalidaytayo ket masuktan met iti “talna ti Dios a mangringbaw iti isuamin a panunot.”​—Fil. 4:6, 7.

¹⁸ Ngem kaano a nabigbig ni Penina a saannan a mapagrurod ni Anna? Saan nga insalaysay ti Biblia dayta, ngem ti sasao a “saanen a nagdanag” ipakitana a kanayonen a naragsak ni Anna. Di nagbayag, nabigbig ni Penina a saannan a mapagrurod ni Anna babaen ti pananglaisna. Saanen a dinakamat ti Biblia ti nagan ni Penina kalpasan dayta.