BET-MERAC

[Balay iti Adayo; Adayo a Balay].

Idi pimmanaw ni Ari David manipud Jerusalem gapu iti panagrebelde ti anakna a ni Absalom, nagsardeng idiay Bet-merac, nalabit ti maudi a balay iti Jerusalem nga adda iti direksion ti Bantay dagiti Olibo sakbay a bumallasiw iti Ginget Kidron. (2Sm 15:17, 23) Agparang a sinukimat ditoy ni Ari David dagiti puersana bayat a bumalballasiwda iti ginget, a mangipaspasimudaag a saan a nakagulgulo ken agkakaribuso a pumampanaw da David no di ket siuurnos a taltalawanda ti siudad.​—2Sm 15:18-26.