ELHANAN

[Ti Dios Nangipakita iti Pabor; Ti Dios Managparabur].

1. Ti anak ni Jair a nangkabil ken Lami a kabsat ni Goliat a Gitita iti pannakigubatda kadagiti Filisteo. (1Cr 20:5) Iti 2 Samuel 21:19 nayam-ammo ni Elhanan kas “anak ni Jaare-oregim a Betlehemita,” ken naikuna a kinabilna ni Goliat. Nupay kasta, pagarupen ti adu nga eskolar a ti orihinal mabasa iti 2 Samuel 21:19 ket kapadpada iti 1 Cronicas 20:5, a timmaud ti panagduma dagitoy dua a teksto gapu iti biddut ti eskriba.​—Kitaenyo ti JAARE-OREGIM; LAMI.

2. Anak ni Dodo ti Betlehem; maysa kadagiti nabileg a lallaki ni David.​—2Sm 23:24; 1Cr 11:26.